June 16, 2021

Sinhala News Line

Access all Sinhala News From one site

කොවිඩ් එන්නත ලබා ගත්තත් වෙනසක් නෑ


විදේශගතව සිට මෙරටට පැමිණෙන සියලු පුද්ගලයින් දින 14ක කාලයක් නිරෝධායනයේ යෙදීම අනිවාර්ය කරමින් සෞඛ්‍ය සේවා අධ්‍යක්ෂක ජනරාල්වරයා විසින් විශේෂ චක්‍රලේඛයක් නිකුත් කර තිබෙනවා.

රටේ පවතින වත්මන් කොවිඩ් තත්ත්වය සැලකිල්ලට ගනිමින් මැයි මස 31 වෙනිදා දක්වා විදේශගතව සිට පැමිණෙන සියලු පුද්ගලයින්ගේ නිරෝධායන කාල සීමාව වෙනස් කරමින් සෞඛ්‍ය සේවා අධ්‍යක්ෂක ජනරාල්වරයා විසින් මෙම විශේෂ නියෝගයක් නිකුත් කර තිබෙනවා.

ඒ අනුව මෙරටට පැමිණෙන ශ්‍රී ලංකික පුරවැසියන්, විදේශිකයින්, රාජතාන්ත්‍රික නිලධාරින් දින 14 ක නිරෝධායන කාල සිමාවට යටත් වන බවයි එම චක්‍රලේඛයේ සඳහන්ව ඇත්තේ.

එමෙන්ම යම් හෙයකින් මෙලෙස පැමිණෙන පුද්ගලයින් කොවිඩ් ආසාදිතයෙක් ගේ සමීප ආශ්‍රිතයෙක් බවට හඳුනා ගනු ලැබුවහොත් නිරෝධායන කාල සීමාව දීර්ඝ කෙරෙන බවයි නව උපදෙස් අනුව සඳහන්ව ඇත්තේ.

විදේශගතව සිට පැමිණෙන වයස අවුරුදු 02 ට අඩු දරුවන්ව PCR පරීක්ෂණයට ලක් නොකරන බවයි එහි දැක්වෙන්නේ.

මේ අතර කොවිඩ් මර්ධන එන්නත් 02කම ලබාගෙන සිටින පුද්ගලයින්වද දින 14ක කාලයක් නිරෝධායනයට ලක් වීම අනිවාර්ය වනු ඇති බවයි සෞඛ්‍ය අමාත්‍යාංශය සඳහන් කර සිටියේ.

මෙවැනි තවත් උණුසුම් සහ සත්‍ය පුවත් එසැණින් දැන ගැනීමට Neth FM Viber Group එක හා මෙතනින් එකතු වන්න.Click Here





Source link